أن نبكي على شيءٍ مضى
هذا هو الألم
ولكن
عندما نتوقف للبكاء ونستوقف الزمن
فهذا هو المؤلم
ماحشمتي جيّة اللي جاك عاني
وماعرفتي كيف تعطين وخذيتي
قبل أجي لك ..كنت أسولف للأماني
ويعلم الله كنت أعزك يوم جيتي
بسّ ..رحتي والألم يعصف كياني
ليت قبل أحكي ..سكتّي ماحكيتي
إن جفيتك صرتي أقسى من زماني
وإن بغيت أعاتبك مره بكيتي
فيك طبع الضعف مع طبع الأناني
ماعرفتك..مدري انتي وش بغيتي
كان قصدك موتي..أبشرك جاني
مات حلمي كان هذا اللي نويتي
ضاعت أحلام النوارس والمواني
إفتقدتك ..مر عمري مارسيتي
كل يوم أجلس وانا هذا مكاني
وكل ماتقبل سفينة .. مالفيتي
إيه..كنت أجلس هنا لأجلك وأعاني
وإن تعبت..أجلس على ..شبّاك بيتي
كنت أغني لك من آهاتي أغاني
وكنت أفكر .. تذكريني أو نسيتي
أذكرك والهم مامره نساني
وأشتكي لك ..منك .. وأنتي مادريتي
ليت ربي عن سكاكينك هداني
ضعت بك ..ليتك عن الجرح إهتديتي
يوم جيتي مابقى فيني معاني
مات حلمي ياغريبه .. ليه جيتي
.............
/
الرئيسية 
البوابة 
أحدث الصور 
التسجيل 
دخول 
موضوع: ليه جيتـــــــــــــــي 
الإثنين نوفمبر 09, 2009 7:33 am
