قصيده غزليه للعشاق للشاعر سيف العبادي

اهديكم اليوم قصيده غزليه </A>للعشاق فقط وارجو ان تنال اعجابكم

يالبكت كلبي ورحلت بلا وداع
وانته تعرف كلبي غيرك ماهوه

مو ملاك انته وأشوفنّك ملاك
وحبي من يوم الكيتك بي قوه

شكر شفتك لو كلت اكفر اكيد
والشكر من شفتك الحلوه ارتوه

نخله طولك والصدر عثكه واكول
الف هنياله الوصل يمه وحوه

من أشابك كبتك أيتم الخشوع
وبذني صوت آهاتك الخرسه دوه

عاد هاي الساعه اخلع مستحاي
مثل موسى الخلع نعلينه بطوى

انه ميت كبل لا شوفك صحيح
جنت ميت لاكن اشتم الهوه

انته حبك شمعه تضوي وبيهه نار
وانه وياك الفرق بالمستوى

شمس انه العاصفه تمد بضواي
وانه اعطف عالكمر وانطيه ضوه

من خيالك ...ضلي يخدر..من تفوت
وطاف بين جدامك وبيه التوه

انته مستشفى عشك لهل الغرام
ونقص بالحب عندي والتمسك دوه

صح جنت ناوي احبك والدليل
العمل بالنيه اقتران بما نوه

وما نهم لو نفترق بس تدري ليش؟؟؟
باجر يلمنه الحشر نرجع سوه

للشاعر
سيـف العبـادي

شكر شفتك لو كلت اكفر اكيد
والشكر من شفتك الحلوه ارتوه

نخله طولك والصدر عثكه واكول
الف هنياله الوصل يمه وحوه

***

شكرا عيوني

تقبلي مروري البسيط