تاه احسابها..
جبار شدود
تاه احسابها اشتحسب .........عليمن تشره وتعتب
دنيا اوضاع بيها الزين...وتساوى الكشر واللب
ناس وعايشه بوجهين .......حيره شتكره وشتحب
يكلبي الدنيا شرجي وياك...... هيهات الشمال يهب
دفتر صرت للصدمات............ وقلام الدهر تكتب
جرحي لا دوه يمض بيه .....لا شل لا نفع بيه طب
عمر وكضيته بالحسرات ........تجلوبة عمه يجلب
***
ليمته اتنطر المامش ...........واذوب بنار حسراته
وليمته اتسامر ويه الليل ........وتناغه ويه نجماته
حسبت اليزرع الطيبات.......... يتجازه على طيباته
وحسبت اللي يحب الناس ........يترهى على كلفاته
غم عيني عل َهل الحسبات ....غم ظني على خيباته
اثاري بنادم من يطيح........... اخوته تصير شماته
عسنك برده من هل الحال ....وعسى جرحك يكلبي يزيد لجماته
يلن طبعك طبع هاون............ تجيه من ايده طكاته!
الرئيسية 
البوابة 
أحدث الصور 
التسجيل 
دخول 
موضوع: تاه احساسهـــــــــــــا 
الأربعاء نوفمبر 18, 2009 3:32 pm
