ابوذيات عباديه بقلم سيف العبادي

الحزن تارك بأذني ...انته والله
واعرفك بيه تغدر ...انته والله
راح امشي واكلك....انته والله
ترد ماترد متهمني القضيه
*********
الخسر برباه اكله....لايربي
حجر كلبه وحنانه....لا يرى بي
غدرني وصحت عذرا ....لا يربي
نصف شلون بالمحشر سويه؟؟
*********
دمع سالت عيونك.....والله انه ادمه
وأساسك شفته مايل ....والله ند ماي
عرفتك هسه لاكن ...والله ندمه
بعد ماخنجرك ذب جوره بيه
&&&&&&
الحزن شفته بعيونك ...شرده اكلك
ومسامير المنايا....شر دكّلك
انسطرت انه بضحكتك...شرد اكلك؟؟
نسيــــت وخانت الجلمات بيه
$$$$$$$$$
الك ناي العزف حزني ....ولك عود
ولك ارجع صحت يسمر....ولك عود
بحياتي مابجت عينك...ولك عود؟؟
من اموتن ثوبك تشكه عليه
********
مثل امتنه ابدا.....ما اتت امه
وعهدك ليش اليه؟؟ ماتتمه
بغيابك مثل حال الـــ...ماتت امه
طفل والناس تنظرله بخطيه
******
واحد انته بس لاكن.... انا ناس
وابد لتضني عن حبك....انا ناس
بعد شفتك؟؟انه الضكتك_صدرشفتك
طعم بيهه أنا نــــاس
شربت مو حليب أدر عليه
&&&&&&
غيرك كلبي مايلكه....ولف راك
وامشي براك من تبعد....والف راك
جنت ورده بجمالي افخر....والافراك
كطعني وهسه محد يشم بيه
@@@@@@@@
أنّت بيه روحي...ام أنتّ بيك
ومدري شبيه طوعا....امنت بيك
رسول بحبك انته ...وآمنت بيك
وبعيده الجنه اذا تبعد عليه


تقبلوا تحياتي ويارب تعجبكم
بفلم الشاعر

سيف العبادي

دمع سالت عيونك.....والله انه ادمه
وأساسك شفته مايل ....والله ند ماي
عرفتك هسه لاكن ...والله ندمه
بعد ماخنجرك ذب جوره بيه