لا مو ذاك انته تغيرت وياي

لا مو ذاك انته تغيرت وياي
تضحكلي بزعل جن خاطرك مكسور
حته جفوفي تسأل دوم عن جفيك
مــُر مره عليهه وابني عش طيور
مشتاك السرح شعرك عله الجتفين
المسني ولك بيك انه اضل مسحور
يا أجمل بشر يا انت كلك خوخ
وتفاح وعنب وي خلقتك معــــصـور
كم اسف كلتلك وارتجيتك شوك
تره ذنب المحب عند العشك مغفور
حكمك هذا حكمك جن حكم جلاد
ولو حكمك عسل وبرغم هذا الجور
اعطف بييه سامح لاتضل زعلان
ميلوك الحقد للوجه شمس ونور
مجبور انه احبك هذا عندي احساس
شيسوي الجسد لو كلبي ضل مجبور
ياشمعة بضلامي اشجاك واضلميت
يادولاب انت وبييه كافي اتدور
يا غصن الترف يابلعطر قداح
يالنايم وسط كلبي وغرست اجذور
طفيني بحنانك طفي بييه النار
لاتكلب علي والنوب بييه تفور
طفيني بجمالك وانت بحر ورود
اشجاك وشمرت جروحي بالتنور
تره دور الجمر ميلوك لك يفلان
بدل يا كمر وياي هذا الدور
بدل ياكمر وياي هذا الدور
منقول

حكمك هذا حكمك جن حكم جلاد
ولو حكمك عسل وبرغم هذا الجور
اعطف بييه سامح لاتضل زعلان
ميلوك الحقد للوجه شمس ونور
مجبور انه احبك هذا عندي احساس