انوار منسي نائبة المديرالعام
عدد المساهمات : 5162 تاريخ التسجيل : 06/10/2008 العمر : 61 الموقع : بغداد
| موضوع: صاحب وفي للشاعر رياض الركابي السبت ديسمبر 12, 2009 11:31 am | |
| صــــاحب وفي .....للشاعر المبدع رياض الركابي
الي صاحب وفي منزلته العيون
منّه ما بدت فد يوم خلّه
بالعازه اعتنيله او هوّ ممنون
او عدا شخصه احس بيها مذلّه
* * * طبع بي صاحبي ، مو مثل الاصحاب
يدري ابحالي ما اشكيله حالي
لا جدمه يفارگ عتبة الباب
ولا چفه اجاني بيوم خالي
اذا رشيّت حچيه عالجرح طاب
واذا مر اعله بالي ارتاح بالي
كل صعبه عليّه ابجيته اتهون
وصادق من يگول اتهون ... سهله
مو مثل البعض حجّه يسألون
وأقبض بس وعد من هيچي مِلّه
* * *
امس من ضاگت ابعيني شفت ناس
لبست وجه مو ذاك الاعرفه
امر امن الندم قط ما ضگت كاس
جرعته او هذا حال الخانه ظرفه
گلت من الوكت لابد الي داس
او ربك من يريد ابلحظه تصفه
اجاني صاحبي او شايل عل متون
فضلة خيره ، يعني الخير كلّه
چنت احسد گبل جيته الينامون
گمت النوم من گد نومي املّه
* * *
شأمن شرتجي خير امن الايام
وآنه اوياها مو صاحب طويله
ابو الحمل الخفيف ، امأمن اينام
اشيغمض جفنه ابو الحسبه الثگيله
ما ضل شي حلو ، اشخلّوا الظلاّم
لحظات الفرح صارت قليله
ما مديون لحّد ، لله مديون
او دين الصاحبي عالراس احمله
ابو احمد يجود الكان ميكون
او مثل طيبه بشر بالدنيا قِلّه
* * * | |
|
انوار منسي نائبة المديرالعام
عدد المساهمات : 5162 تاريخ التسجيل : 06/10/2008 العمر : 61 الموقع : بغداد
| موضوع: رد: صاحب وفي للشاعر رياض الركابي الإثنين ديسمبر 14, 2009 12:52 pm | |
|
طبع بي صاحبي ، مو مثل الاصحاب
يدري ابحالي ما اشكيله حالي
لا جدمه يفارگ عتبة الباب
ولا چفه اجاني بيوم خالي
اذا رشيّت حچيه عالجرح طاب
واذا مر اعله بالي ارتاح بالي
كل صعبه عليّه ابجيته اتهون
وصادق من يگول اتهون ... سهله
مو مثل البعض حجّه يسألون
وأقبض بس وعد من هيچي مِلّه
* * *
| |
|