ليلة العيد كالت ممكن نتعرف ؟؟ اسمي نغم ؟؟
*****
البارحه عل النت حجيت وياها *** كالت اسمي (نغم) ما انساها
هنئت بالعيد , ثنت بالسلام *** كالت احجي وياك لو رايد تنام ؟؟
كلت اهلا بيج يابنت الكرام *** روحي هسه اتنام ؟ لا حاشاها
البارحه عل النت حجيت وياها
كالت اسمك شغلك احجيلي الصدك *** ترى اني من الكذب والله احترك
والعمر وامنين ؟ تطبكهن طبك *** كلت اسمي علي وسورة طه
البارحه عل النت حجيت وياها
والعمر من زمن نوح اني انتظر *** صار عمري اطويل من عمر الخضر
ساكن البصره ترى اني من الزغر *** كالت اهلا بيك يامحلاها
البارحه عل النت حجيت وياها
والشغل يا(نغم) تردين الصحيح *** عايش ومستور بس رزقي شحيح
اضحك ويا الناس وكليبي جريح *** وانتي كتبي امنين؟ حته اقراها
البارحه عل النت حجيت وياها
البارحه عل النت بديت من الصفر *** كلت ليلة عيد واسهر للفجر
تحترك ما تحترك خل تنفجر *** ( الجنريتر) نعله عل السواها
البارحه عل النت حجيت وياها
وتالي لن (غنام) هوه الي دخل *** صاحبي وياي وابنفس العمل
من سمعت الصوت حسيت ابخجل *** كلت عيديه وصديقي انطاها
البارحه عل النت حجيت وياها
الرئيسية 
البوابة 
أحدث الصور 
التسجيل 
دخول 
موضوع: البارحه ع النت حجيت وياها (قصيدده تخبل) 
الأحد يناير 03, 2010 12:05 pm
