انوار منسي نائبة المديرالعام
عدد المساهمات : 5162 تاريخ التسجيل : 06/10/2008 العمر : 61 الموقع : بغداد
| موضوع: ((نعم للطائفيه))للشاعر سيف العبادي الثلاثاء يناير 05, 2010 6:44 am | |
|
((نعم للطائفيه))
شعب واحد جذب كل احنه متفرقين اذا مايحز نحرك سيفي ما اسلّه نعم للطائفيه وخل نصيح بصوت بدم يوسف اتحنه وابد ما اتخله همس شيطان بذني ربي ياستار كال اسمع كلامي وهالحجي وصله خذتني القشعريره من الحلم فزيت كلت ماظن وطنّه بالهحجي يقبله حجه السياب سكته وكلي اسمع زين اذن موسيقى عندك سرّي أتحله صعد ظهر المنصه ووكف بس تمثال ارتجل ديوان شعري تغزل بدجله وكلّي الوطن قبله ولا تفرط بيه شنو نفع الصلاة من تهدم القبله؟ ورفع ايده ورجع تمثال مابي روح شفت أشر بصبعه والدمع هله ماحمل رطب نخل الجنوب أحداد فكرت وعرفت المسأله سهله لأن ورد الرمادي من الزعل ذبلان شفت وي الورد مضامنه النخله اذن خوان احنه وكلنه عشنه أبيت ورغم كل هذا باجر ينجمع شمله حزينه الاعظميه وجامع النعمان شفت لابس سواد ومنكسر ضله لأن موسى بن جعفر بعده بيده القيد ومستشهد طلع محرابه ما صلّه كبرنه اعله الزعل نتصافه من نموت؟؟ لو يوم القيامه هناك يم الله مختلفين احنه شبينه متخلفين كلمن ساد بابه وناره مشتعله أكله ساد بابه يكول....مو ساد طابع طائفيته عليّ...مو ساد عليه امريكا وانته عليك...موساد واذا نغفل نموت بلا قضيه مثل ماهجروك تهجرت وياك وضعت بين الفعل والفاعل وفعله اذا نعوف الوطن ونسافر أبسكوت بعد فوك احتلاله ياهو يحتله؟؟ دكلي شمنتظر؟؟هولاكو طب بغداد نستنكر دخولك ضنك نكلّه؟؟ لو نفزع نرجع ثورة العشرين وبغداد الاسيره قيدهه نحله ومضيفي الما تغزر كهوته من تفور بنار الطيب المن تنجوي الدله؟؟
تقبلوا تحياتي وتحيات الشاعر سيف العبادي
| |
|
انوار منسي نائبة المديرالعام
عدد المساهمات : 5162 تاريخ التسجيل : 06/10/2008 العمر : 61 الموقع : بغداد
| موضوع: رد: ((نعم للطائفيه))للشاعر سيف العبادي الثلاثاء يناير 05, 2010 6:52 am | |
| صعد ظهر المنصه ووكف بس تمثال ارتجل ديوان شعري تغزل بدجله وكلّي الوطن قبله ولا تفرط بيه شنو نفع الصلاة من تهدم القبله؟ ورفع ايده ورجع تمثال مابي روح شفت أشر بصبعه والدمع هله ماحمل رطب نخل الجنوب أحداد | |
|