من روائع مهند الهاشمي

حبك قدر
حبك قدر مكتوب ما يقبل التغيير
مثل عشره الاصابع متصير تسعه
واذا گصوهن ويتعاقب الانسان
اتعاقب الك كل اصبع بدمعه
اخذت الروح وبعدك الي طماع
واذا گلبي رايد صدگني ما امنعه
وبيك عيون ما الها مثل بالكون
خمسه الربع وتكمل السبعه
عمرج ورد لو رايد نگول
اشتلنه گبل بگليبي ما طلعه
نتلاگه بعشب يابس ومحروك
حتى انته التطب اخضر اترجعه
خيالي الك ومعزتك تنقاس
ما اقصد كفر ولا للمله بدعه
ردت من شفتك البوسه وارتاح
ورايد اعض من زندك القطعه
ما بيها عضم ادلل انه عليك
مثل سل السمج امي الطلعه
الشاعر مهند الهاشمي

چذاب الوكت وادري انت تعرف زين
ومن گـــد الجــــــذب هدمــلك اديــــارك
بسك ياوطـــــن لاتنطي خصمك عيــــن
مو ضل ينتضر الايــــــــعــاز فـــــقارك
الشاعر مهند الهاشمي

جسماي
اعاين عالجرح مسموم جسماي
نشف دمي ونزف لليوم جسماي
جرح ما طاب نزفه وجس ماي
لان خنجر حقير انطعن بيه
الشاعر مهند الهاشمي